OpenAI bu gün yeni elmi və sosial təşəbbüslərini açıqlayıb.
AzEdu.az-ın xarici KİV-dən əldə etdiyi məlumata görə, layihə çərçivəsində şirkət biotəhlükələr, süni intellektin pozuntuları və xəstəliklərlə mübarizə sahələrində 1 milyard dollar investisiya ayıracaq.
Şirkət bildirib ki, bu təşəbbüslər həm elmi araşdırmaları sürətləndirməyə, həm də süni intellekt və biotəhlükələrlə bağlı risklərin idarə olunmasına yönəlib.
OpenAI-nin qeyri-kommersiya yönümlü bölməsi elmi resursların genişləndirilməsi, qlobal əməkdaşlıqlar və təhlükəsiz texnologiyaların inkişafına dəstək verəcək.
OpenAI rəhbərliyi layihənin məqsədini belə izah edib: “Elm və texnologiya sahəsində riskləri azaltmaq və insanlığa fayda verəcək innovasiyaları sürətləndirmək üçün həm resurs, həm də təcrübəmizi səfərbər edirik".
