Dövlət İmtahan Mərkəzinin (DİM) ümumi təhsil pilləsində təhsilalanların yekun qiymətləndirilməsi (buraxılış) imtahanları və ali təhsil müəssisələrinə qəbul imtahanlarının qaydalarına dair elmi-metodik seminarları davam edir.
DİM-dən AzEdu.az-a bildirilib ki, yanvarın 31-də 12:00-da ümumi təhsil pilləsində təhsilalanların yekun qiymətləndirilməsi (buraxılış) imtahanları və ali təhsil müəssisələrinə qəbul imtahanlarının qaydalarına dair Saatlı Rayon Gənclər Mərkəzində (ünvan: H.Zərdabi 71a) Azərbaycan dili, riyaziyyat və tarix fənlərindən elmi-metodik seminarlar keçiriləcək.
Seminarlarda Şirvan şəhəri, Hacıqabul, Salyan, Neftçala, Saatlı, Sabirabad və İmişli rayonlarından olan müvafiq fənn müəllimləri iştirak edə bilərlər.
