“Dünyanın ən yaxşı universitetlərinin reytinqində iştirak edən Azərbaycan ali məktəblərinin sayının üçdən doqquzadək artması fonunda Azərbaycanın ali təhsili təsirli dinamika nümayiş etdirir. Doqquz Azərbaycan Universiteti dünyanın ən yaxşı universitetlərinin yeni reytinqinə daxil olub.
Onlardan altısı reytinqdə debüt edir, digər üç universitet isə cari reytinq dövründə milli ali təhsil sisteminin parlaq nəticələrini nümayiş etdirərək keçən ilki mövqelərini yaxşılaşdırır. Bakı Dövlət Universiteti dünyanın ən yaxşı ali məktəblərinin reytinqində 688-ci pilləyə qalxaraq reytinqə daxil olan ölkə ali məktəbləri arasında ən yüksək mövqeyini qoruyub saxlayır”.
AzEdu.az “Azərbaycan müəllimi”nə istinadən xəbər verir ki, bu barədə dünyanın nüfuzlu reytinq təşkilatı olan “QS Quacquarelli Symonds” şirkətindən daxil olan məlumatda qeyd olunur.
| QS Dünya universitetləri reytinqləri 2026: Azərbaycan universitetlərinin nəticələri | |||
| Ölkə üzrə yeri | 2026 | 2025 | Ali təhsil müəssisəsinin adı |
| 1 | =688 | 951-1000 | Bakı Dövlət Universiteti |
| 2 | 801-850 | 1001-1200 |
Azərbaycan Dövlət İqtisad Universiteti (UNEC) |
| 3 | 851-900 | 1001-1200 | Azərbaycan Dövlət Neft və Sənaye Universiteti |
| 3 | 851-900 | Azərbaycan Texniki Universiteti | |
| 5 | 901-950 | Bakı Mühəndislik Universiteti | |
| 6 | 951-1000 | Xəzər Universiteti | |
| =7 | 1001-1200 | Azərbaycan Memarlıq və İnşaat Universiteti | |
| =7 | 1001-1200 | Sumqayıt Dövlət Universiteti | |
| 9 | 1201-1400 | ADA Universiteti | |
Reytinqdə təmsil olunan 106 ölkə və ərazi arasında Azərbaycan iştirakçıların sayına görə ikici yeri İordaniya ilə bölüşür. Ümumiyyətlə, Özbəkistan və Oman Azərbaycanın təsirli nəticələrindən bir az geridə qalır: Özbəkistan beş universitetin debütü və iki ali məktəbin keçən ilki mövqeyinin yaxşılaşması, Oman 3 universitetin debütü və iki ali məktəbin ötən ilki mövqeyinin yaxşılaşması ilə seçilir.
| Ən çox universiteti olan ölkələr və ərazilər-dünyanın ən yaxşı universitetlərinin reytinqində yeni iştirakçılar | |||||
| Ölkə/ərazi | Reytinqə ilk dəfə daxil olan universitetlərin sayı | Reytinqdəki universitetlərin sayı | Mövqeyini itirən universitetlərin sayı | Mövqelərini qoruyan universitetlərin sayı | Mövqelərini yaxşılaşdıran universitetlərin sayı |
| Hindistan | 8 | 54 | 11 | 13 | 22 |
| İordaniya | 6 | 16 | 0 | 4 | 6 |
| Azərbaycan | 6 | 9 | 0 | 0 | 3 |
| ABŞ | 5 | 192 | 60 | 49 | 78 |
| Özbəkistan | 5 | 7 | 0 | 0 | 2 |
Bu cədvəldən də göründüyü kimi, reytinq sıralamasında Azərbaycan mövqelərini qoruyub saxlayan, yaxşılaşdıran ölkə kimi təsnif olunur.
“QS Quacquarelli Symonds”un baş vitse-prezidenti Ben Souter Azərbaycanın mövqeyini belə şərh edir:
"Azərbaycan 2026-cı ilin QS Dünya Universitetləri Reytinqində möhtəşəm nəticələr nümayiş etdirir. Ötənilki reytinqdə iştirak edən üç universitetin mövqeyinin yaxşılaşması və ölkənin altı universitetinin reytinqə ilk dəfə daxil olması tamamilə diqqətəlayiq uğurdur".
Yeni reytinqdə iştirak edən Azərbaycan universitetlərinin tədris heyəti və tələbələrin nisbəti güzrə orta göstəricisi 65,1-dir ki, bununla da reytinqə daxil olan ölkələr arasında 11-ci yeri tutur.
Bu göstərici üzrə Sumqayıt Dövlət Universiteti dünya üzrə 58-ci, Bakı Dövlət Universiteti 85-ci yerdə qərarlaşıb, Azərbaycan Texniki Universiteti isə dünyanın ən yaxşı 200 universiteti sırasında 157-ci pillədə yer alıb. Bu, ölkə universitetlərində təhsil mühitinin yüksək keyfiyyətinin əsas üstünlüklərindən biri olduğunu göstərir.
Ötən ilki reytinqdə iştirak edən Azərbaycan universitetləri akademik reputasiya, işəgötürənlərin reputasiyası, tədris heyəti və tələbə nisbəti, xarici müəllimlərin və tələbələrin payı, həmçinin məzunların nailiyyətləri kimi bir sıra göstəricilər üzrə müsbət dinamika nümayiş etdirirlər.
"Azərbaycan universitetlərinin güclü nəticələrinə baxmayaraq, yeni reytinq onların öz mövqelərinin daha da yaxşılaşdırılması üçün əsas imkanları vurğulayır", – deyə Ben Sauter bildirir. "Azərbaycanın ali məktəbləri bir sıra istiqamətlər üzrə müsbət dinamikanı artırmağa qadir olduqlarını nümayiş etdirib, eyni zamanda, digər ölkələrin ali məktəbləri ilə mövcud boşluqları azaltmaq üçün strateji məqsədlərə nail olmaq üçün ardıcıl səylərə ehtiyac var".
“QS Quacquarelli Symonds”un regional direktoru Sergey Xristolyubov Azərbaycanın qlobal reytinqdəki mövqeyini belə şərh edir:
"Bizim flaqman reytinqimizin yeni buraxılışı Azərbaycanın Qafqaz regionunda ali təhsil sahəsində danılmaz liderliyini təsdiqləyir. 2026–cı ildə dünyanın ən yaxşı universitetlərinin reytinqində (QS Dünya universitetləri reytinqləri 2026) Azərbaycan regionun digər iki ölkəsinin ali məktəblərinin ümumi sayından üç dəfə çox ali məktəbə malikdir. Bundan başqa, Azərbaycan bizim institusional reytinqimizdə ali məktəblərin sayını üç dəfə artırıb, ölkənin ali təhsilinin lideri olan Bakı Dövlət Universiteti isə dünyanın ən yaxşı 700 ali təhsil müəssisəsinə daxil olub. Bu uğurlar Azərbaycan Respublikası Elm və Təhsil Nazirliyinin, Elm və Ali Təhsil üzrə Dövlət Agentliyinin, habelə Azərbaycan ali təhsil müəssisələrinin rəhbər və ekspertlərinin gündəlik səmərəli sistemli işlərindən xəbər verir".
