“Ümumiyyətlə nəzəriyyə tələb olunan ixtisaslarda tədris müddəti azaldılmalıdır”.
Bu sözləri AzEdu.az-a açıqlamasında təhsil eksperti Rizvan Fikrətoğlu qeyd edib.
“Məsələn, jurnalistikada 4 illik təhsil nəyə lazımdır? Eləcə də İKT yönümlü ixtisaslar daha çox praktiki olduğuna görə hesab edirəm ki, tədris müddəti azala bilər. Yaxud maliyyə yönümlü – maliyyə, mühasibat, iqtisadiyyat, inşaat mühəndisliyi vəs ixtisaslardır ki, universitetdə 4 illik nəzəriyyəyə ehtiyac yoxdur.
Lakin hüquq, tibb kimi ixtisasların tədris müddətinin azaldılmaması məsləhət görülür. Mədəniyyət, incəsənət, turizm sahələrində təhsil müddətini 3 ilə endirmək olar. Belə ki, Neft-qaz mühəndisi, yaxşı olar ki, 1-2 il universitetdə nəzəriyyəni öyrənsin, sonra isə bu sahə üzrə praktikasını görsün.
Çünki həm abituriyent, həm də tələbə üçün əlavə yükdür. Bundan başqa müəllimlik ixtisasının da tədris müddətinin azadılmasına gərək yoxdur”.
