Təqaüdlər tələbələrə təhsil xərclərini qarşılamaq üçün bir növ maliyyə dəstəyi təqdim edir. Belə ki,təqaüdü həm yerli, həm də xarici tələbələr ala bilir. Təqaüdlər müxtəlif sahələrdə olur: akademik uğur, ehtiyac əsasında, və ya müəyyən ixtisaslar üzrə ixtisaslaşan tələbələr üçün təklif edilə bilər.
Maraqlıdır, ötən il neçə universitetdə təhsil alan tələbə təqaüd alıb?
Dövlət Statistika Komitəsindən AzEdu.az-a bildirilib ki, Dövlət ali təhsil müəssisələrinin əyani şöbələrində təhsil alan tələbələrin sayı 182121 nəfərdir:
“Onlardan 100719 tələbə təqaüd alıb. Əyani şöbələrində tələbələrin ümumi sayına nisbətdə, bu 55,3% təşkil edir”.
Həmçinin Dövlət ali təhsil müəssisələrində müqavilə ilə təhsil alan tələbələrin sayı 201855 nəfərdir:
“Onlardan təhsil haqqını müqavilə əsasında tam ödəməklə təhsil alan tələbələrin sayı 94717-dir. Tələbələrin ümumi sayına nisbətdə bu 46,9% təşkil edir”.
