“Könüllü fəaliyyətlər tələbənin dərslərinə müdaxilə etməməlidir”
Bu sözləri AzEdu.az-a açıqlamasında təhsil eksperti Elçin Sülüymanov söyləyib.
E. Süleymanlı qeyd edib ki, könüllülük proqramları tələbələrin inkişafına kifayət qədər müsbət təsir göstərir:
“Çünki, orada həm kolektivlə işləmək, həm də əlaqələr qurmaq baxımından tələbələrə kifayət qədər imkanlar yaradılır. Amma onu qeyd etmək lazımdır ki, tələbə ixtisası üzrə dərslərini, imtahanlarını kənara atıb təkcə könüllülük fəaliyyəti ilə məşğul olursa, bu onun xeyirinə deyil, ziyanına olacaq. Bu halda ixtisasını bilməyən kadrlar yetişəcək.
İş dünyası real bacarıqlar, qabiliyyətlər tələb edir. Əgər, bunlar yoxdursa, tələbə sırf könüllülük fəaliyyəti olub deyə işə alınmayacaq.
Ona görə ilk növbədə tələbə öz sahəsi üzrə çalışmalı, daha sonra əlavə vaxtı varsa, könüllülük fəaliyyətləri ilə məşğul olmalıdır”.
