Bəzi ixtisaslar var ki, fəaliyyət sahəsi ilə əlaqəli olaraq orada təhsil alan tələbələrin əksəriyyəti oğlanlardır. Məsələn, elektrik və elektronika mühəndisliyi, Nəqliyyat və logistika fakültəsi, Energetika və avtomatika fakültəsi, Metallurgiya və materialşünaslıq fakültəsi, Maşınqayırma və robototexnka fakültəsi, İnformasiya və telekommunikasiyalar fakültəsi, Xüsusi texnika və texnologiyaları fakültəsi və s. Ancaq statistikalara əsasən yuxarıda qeyd olunan texniki ixtisaslara qəbul olan qızların sayı ildən-ilə artır.
AzEdu.az olaraq bu statistikaları öyrənmək üçün texniki və kimya sahəsi ilə əlaqəli ixtisaslar tədris edən bir neçə universitetə sorğu ünvanladıq.
Sorğumuza cavab olaraq Azərbaycan Texniki Universitetindən aşağıdakı statistik məlumatlar təqdim olunub:
2019/2020-ci tədris ili üzrə - 318 tələbə
2020/2021-ci tədris ili üzrə - 417 tələbə
2021/2022-ci tədris ili üzrə - 468 tələbə
2022/2023-cü tədris ili üzrə - 457 tələbə
2023/2024-cü tədris ili üzrə - 606 tələbə
Təqdim olunan məlumatlara əsasən son 5 il ərzində universitetə qəbul olan qız tələbələrin sayında 288 nəfər artım müşahidə olunur.
