Avropa Statistika Ofisinin (Eurostat) nəşr etdirdiyi hesabatlarda 30-34 yaş aralığındakı vətəndaşları ən çox ali təhsil alan ölkələrin adları müəyyənləşib.
Qardaş Türkiyə Cümhuriyyəti 27.3 faiz göstərici ilə siyahıdakı 33 ölkə arasında 31-ci olub.
AzEdu.az xarici mediaya istinadən xəbər verir ki, Litva 58 faiz ilə birinci olub. İkinci və üçüncü sıraları isə 55.8 və 53.7% faizlə Cənubi Kipr və İslandiya tutur.
Bu statistikaya görə, Türkiyədə hər on gəncdən üçü universitet məzunudur.
Aİ-nin Almaniya, İngiltərə, Fransa və İspaniya kimi çox əhalisi olan, inkişaf etmiş ölkələri də onluqdan kənarda qalıb. Bunlar arasında ən yaxşı nəticəı İngiltərəyə məxsus olub: 48.3 faiz...
Ali təhsildə iştirak nisbətləri başqa Avropa ölkələrində belədir: Fransa 44.3, İspaniya 41.2, Almaniyada isə 34 faiz.
İtaliya isə 26.9 faizlə Türkiyədən də geridə qalıb.
