"2019-cu ilin sonunadək peşə təhsili müəssisələrində, diaqnostik qiymətləndirmədən keçməyən müəllim qalmayacaq “
AzEdu.az xəbər verir ki, bu sözləri Təhsil naziri Ceyhun Bayramov Təhsil Nazirliyinin Yeni Azərbaycan Partiyasının qərargahında keçirilən mətbuat konfransında jurnalistlərin suallarını cavablandırarkən səsləndirib:
“Müəllimlərinin diaqnostik qiymətləndirməsi ilk olaraq, ümumtəhsil məktəblərinin müəllimlərinə şamil edilirdi. 2018-ci ildən etibarən isə həm ümumtəhsil, həm də peşə təhsili müəssisələrində çalışan müəllimlərə də şamil edilir. 2019-cu ilin sonunadək peşə təhsili müəssisələrində, diaqnostik qiymətləndirmədən keçməyən müəllim qalmayacaq”.
Nazir sualları cavablandırarkən ali məktəb müəllimlərinin qiymətləndirilməsi məsələsinə də toxunub:
“Ali təhsil müəssisələrinə gəldikdə isə, onlar ən yüksək muxtariyyətə malik təhsil müəssisələri olduğu üçün burda müəllimlərinin bilikləri diaqnostik qiymətləndirmə vasitəsilə deyil, başqa formada həyata keçirilir. Belə ki, onlar 5 ildən bir attestasiya həyata keçirirlər”.
