AzEdu.az Təhsil Portalı “Tarixdə bu gün” rubrikasına davam edir.
1 noyabr harada nәlәr baş verb, kimlәr xatırlanır?
Qısaca nәzәr salaq...
1 noyabr 2020-ci ildəAzərbaycan Silahlı Qüvvələri cəbhənin Ağdərə, Ağdam, Xocavənd və Qubadlı istiqamətlərində hücumarını davam etdirib:
Ermənistan Ordusunun xeyli sayda canlı qüvvəsi, bir piyadaların döyüş maşını, iki BM-21 “Qrad” yaylım atəşli reaktiv sistemi, səkkiz müxtəlif tipli topu, iki rabitə qülləsi, beş ədəd avtomobil texnikası sıradan çıxarılıb.
1 noyabr Kənd Təsərrüfatı İşçiləri Günüdür:
Azərbaycan Respublikasının Prezidenti cənab İlham Əliyevin 2008-ci il 9 oktyabr tarixli Fərmanı ilə hər il noyabrın 1-i ölkəmizdə Kənd Təsərrüfatı İşçiləri Günü kimi qeyd olunur.
1 noyabr 1906-cı ildə “Füyuzat” həftəlik ədəbi, elmi, ictimai-siyasi jurnalının ilk nömrəsi işıq üzü görüb:
Jurnal 1906-1907-ci illərdə mesenat Hacı Zeynalabdin Tağıyevin vəsaiti hesabına Bakıda nəşr olunub.
1 noyabr 1946-cı ildə tanınmış rəssam Rais Rəsulzadə anadan olub.
O, Məhəmməd Əmin Rəsulzadənin nəvəsidir.
1 noyabr 1897-ci ildə Turin Universitetinin tələbələri İtaliyanın məşhur “Yuventus” futbol klubunun əsasını qoyublar.
