AzEdu.az Təhsil Portalı “Tarixdə bu gün” rubrikasına davam edir.
18 oktyabrda harada nәlәr baş verb, kimlәr xatırlanır? Qısaca nәzәr salaq.
18 oktyabr 1991-ci ildə Azərbaycan Ali Soveti Azərbaycan Respublikasının Dövlət Müstəqilliyiyinin Bərpası haqqında Konstitusiya Aktını qəbul edib:
Həmin sənədə görə, Azərbaycan SSRİ-dən ayrılaraq müstəqil dövlət elan olunub və 1918-ci il mayın 28-dən 1920-ci il aprelin 28-dək mövcud olan Azərbaycan Xalq Cümhuriyyətinin varisi sayılıb.
Müstəqilliyin Bərpası Günü və ya köhnə adı ilə Milli Müstəqillik Günü — Azərbaycan tarixinin ən mühüm günlərindən biridir. 2021-ci ildən etibarən yeni adıyla "Müstəqilliyin Bərpası günü" (18 oktyabrda) kimi qeyd edilir.
18 oktyabr 1922-ci ildə İngiltərənin BBC mətbuat orqanı quruldu:
British Broadcasting Company Ltd. 1922-ci ildə özəl bir şirkət olaraq quruldu. 1925-ci ildə ləğv edilən şirkətin yerini 1927-ci ildə bir cəmiyyət quruluşu olaraq qurulan British Broadcasting Corporation aldı. BBC, parlementə qarşı bağlı olmaqla birlikdə işlərini müstəqilliklə davam etdirir.
BBC Azərbaycanca Xidməti iyayınlarına 1994-cü il noyabrın 30-da başlayıb. Həmin andan bəri BBC Ümumdünya Xidmətinin dalğalarında o vaxtadək eşidilməyən yeni bir radio çağırışı — "Danışır London. Efirdə Bi-Bi-Si-nin Azərbaycan xidmətidir!" səsləndi.
18 oktyabr 1967-ci ildə SSRİ-nin uçurduğu “Venera-4” kosmik gəmisi Veneraya çatdı:
“Venera-4” Yer kürəsindən sonra bir planetin atmosferini araşdıran ilk kosmik gəmi sayılır.
18 oktyabr 1926-cı ildə teatr rejissoru, pedaqoq Nəsir Sadıqzadə Şuşada anadan olub:
Akademik Dram, Gəncə, Sumqayıt və b. teatrlarda çalışıb, Mədəniyyət və İncəsənət Universitetində dərs deyib. Filmlərdə (“Qətl günü”, “Bəxt üzüyü” və s.) çəkilib.
