UNESCO-nun yeni hesabatına görə, dünyada 133 milyon qız hələ də məktəb təhsili ala bilmir. Bu statistik göstərici qlobal təhsil bərabərliyi sahəsində hələ də ciddi problemlərin mövcud olduğunu ortaya qoyur.
AzEdu.az-ın xarici mənbədən aldığı məlumata əsasən hesabatda bildirilir ki, əsas səbəblər arasında sosial-iqtisadi bərabərsizliklər, erkən nikahlar, münaqişə zonaları və təhsil infrastrukturunun zəifliyi dayanır. Xüsusilə Afrika və Cənubi Asiya regionlarında vəziyyət daha da acınacaqlıdır.
UNESCO rəsmiləri bildirirlər ki, “təhsildə gender bərabərliyi” məqsədinə çatmaq üçün hökumətlərin və beynəlxalq təşkilatların daha sıx əməkdaşlıq etməsi, təcili və davamlı tədbirlər görməsi vacibdir.