ABŞ-nin Pitsburq şəhərindəki Carrick Orta Məktəbində baş verən bıçaqlanma hadisəsi nəticəsində üç şagird xəsarət alıb. Hadisə səhər saat 8:30 radələrində məktəbin koridorunda baş verib. 16 yaşlı Antoni Tarleton adlı şagird, əvvəlki mübahisəyə əsaslanaraq, kiçik bir bıçaqla üç sinifyoldaşını bıçaqlayıb. İki şagird ciddi xəsarətlər alaraq xəstəxanaya yerləşdirilib, birinin vəziyyəti kritikdir.
AzEdu.az-ın xarici mənbədən aldığı məlumata əsasən Tarleton, bıçağı evindəki mətbəx masasında tapıb, onu bükərək çantasına qoyub. Məktəbə daxil olarkən təhlükəsizlik yoxlamalarından keçib və bıçağı gizlədərək sinfə daxil olub. Hadisə əvvəlki bir mübahisənin nəticəsi olub və təsadüfi bir hücum olmadığı bildirilib.
Hadisə ilə əlaqədar olaraq, Tarleton üç dəfə ağır hücum, məktəb ərazisində silah saxlama və cinayət alətindən istifadə etmə ittihamları ilə həbs edilib. Məktəb rəhbərliyi, tələbələrin və işçilərin psixoloji dəstəklə təmin ediləcəyini və dərslərin onlayn şəkildə davam etdiriləcəyini açıqlayıb.
Pitsburq meri Ed Geyni, hadisə ilə bağlı açıqlama verərək, məktəb icmasının dəstəyinə və təhlükəsizlik tədbirlərinin gücləndirilməsinə önəm veriləcəyini bildirib.
