Doqquz yaşlı britaniyalı Frenki Makmillan indiyədək ümumilikdə 700-dən çox zirvə fəth edib və indi Avropanın ən yüksək dağ zirvələrinə yönəlmiş genişmiqyaslı yürüşlər silsiləsini tamamlayıb.
AzEdu.az xarici mediaya istinadla xəbər verir ki, son üç həftə ərzində gənc alpinist “Avropa tacı” siyahısına daxil olan üç əsas zirvəni fəth edib:
Gerlax (Slovakiya, 2655 m)
Rısı (Polşa, 2501 m)
Snejka (Çexiya, 1603 m)
Son ekspedisiya çərçivəsində Frenki və anası ümumilikdə 15 marşrutu uğurla qət ediblər, onlardan 11-i 2000 metrdən yüksək zirvələr olub. Xüsusilə Tatra dağlarındakı Mnih zirvəsinə (2068 m) qalxış çətinlik yaradıb və tam alpinist avadanlığından istifadə tələb edib. Lakin 3 yaşından topladığı təcrübə sayəsində gənc alpinist mürəkkəb sahələri inamla dəf edə bilib.
Alpinist uğurlarından əlavə, Frenki Makmillan “Athlete Media Group” agentliyi ilə müqavilə imzalayıb və BMT-nin sağlamlığın qorunması proqramında iştirak edir. Yaşının az olmasına baxmayaraq, o, milli qayaya dırmanma sistemində 3-cü səviyyəyə çatıb ki, bu da təlimçi səviyyəsinə uyğun gəlir.
Hazırda Frenki və anası Avropanın müxtəlif bölgələrindəki mövsümi və ekoloji məhdudiyyətləri nəzərə alaraq yeni ekspedisiya planları hazırlayırlar.
