Azedu.az

Şagirdlərin “ağır yükü” - çanta seçimi necə olmalıdır?

Xəbərlər

30 Avqust 2025, 09:16
Şagirdlərin “ağır yükü” - çanta seçimi necə olmalıdır?

“Məktəbli çantalarının konkret ağırlıq göstəricisi olmur”

Bu sözləri AzEdu.az-a müsahibəsində Respublika Klinik Xəstəxanasının Travmatologiya və Ortopediya şöbəsinin müdiri Eldar Əsədli bildirib.

Çanta seçimi edərkən onun ikiçiyinli olmasına və çəkisinin yüngül olmasına diqqət yetirmək vacibdir:

“İkiçiyinli çantalar ağırlığın bərabər şəkildə bölünməsinə yardımçı olur. Ağırlıq bərabər bölündükdə şagirdlərin belinə daha az güc düşür.

Bəzən bildirirlər ki, çantaların siniflər üzrə konkret ağırlığı müəyyən olunmalıdır. Amma nəzərə almaq lazımdır ki, dünyanın heç bir ölkəsində siniflər üzrə ağırlıq anlayışı yoxdur. Çünki 1-ci sinifdə oxuyan 35 kq-lıq uşaq da ola bilər, 50 kq-lıq da”.

Məktəbə gedərkən uşaqların çantasını valideynlərin daşıması da tövsiyə olunur:

“Əgər şagirdlər çantaları daşımaqda çətinlik çəkirlərsə, onurğalarına güc düşürsə, bir müddət valideynin onlara dəstək olması məsləhətdir.

Onurğa sütununun düzgün formalaşması üçün çantalardan əlavə parta arxasında oturma qaydası da önəmlidir. Məktəblilər parta arxasında dik, 90 dərəcə bucaq altında oturmalı, dirsəklərini partaya tam qoymalıdırlar. Bədən quruluşunun normallığını təmin etmək üçün idman dərslərindən yayınmamaları tövsiyə edilir.

Şagirdlər çalışmalıdırlar ki, dərsdən öncə idman hərəkətləri etsinlər, eyni zamanda idman dərslərində də mütləq iştirak etsinlər. Asudə vaxtlarında voleybol, basketbol və üzgüçülüklə məşğul olmaq sağlam və düzgün bədən quruluşuna dəstək olur”.

Putin əmr verdi - Azərbaycana hücum edin!
Son xəbərlərDaha çox