Dünyanın ilk böyük pandemiyası hesab edilən Justinian vəbasının səbəbi alimlər tərəfindən müəyyənləşdirilib.
AzEdu.az-ın xarici mediadan əldə etdiyi məlumata əsasən, müasir genetik analizlər nəticəsində bu xəstəliyin törədicisinin “Yersinia pestis” bakteriyası olduğu təsdiqlənib.
Tarixi mənbələrə əsasən, VI əsrdə baş verən və minlərlə insanın həyatına son qoyan bu pandemiya uzun illər alimlərin diqqət mərkəzində idi. Yeni araşdırma göstərir ki, həmin dövrdə xəstəliyin sürətlə yayılması Qara dənizdən Aralıq dənizi limanlarına qədər geniş coğrafiyanı əhatə edib.
Tədqiqatçılar bildirirlər ki, qədim sümüklər üzərində aparılan DNT testləri nəticəsində bakteriyanın genetik izləri aşkarlanıb. Bu kəşf həm tarixi pandemiyanın gedişatını anlamağa, həm də gələcəkdə oxşar xəstəliklərin qarşısını almaq üçün mühüm məlumat əldə etməyə imkan verir.
Mütəxəssislərin sözlərinə görə, bu tapıntı yalnız tibbi tarix baxımından deyil, həm də müasir epidemiologiya elmi üçün böyük əhəmiyyət daşıyır.
