Gürcüstanda bağçada uşaqlara qarşı zorakılıq iddiası: Bağça işçisi saxlanılıb

Gürcüstanın Kvemo Kartli bölgəsinin Evri kəndində yerləşən məktəbəqədər təhsil müəssisəsində ciddi insident baş verib.

AzEdu.az-ın xarici mediadan əldə etdiyi məlumatına görə, bağçanın işçilərindən biri – dayə vəzifəsində çalışan qadın azyaşlı uşaqlara qarşı fiziki zorakılıq tətbiq edib.

İddialara əsasən, həmin şəxs uşaqları bir-birinə qarşı zorakılığa sövq edib və onların bir-birilə münaqişəyə girməsinə səbəb olub. Valideynlərin şikayəti əsasında məsələ hüquq-mühafizə orqanlarına çatdırılıb.

Hazırda dayə saxlanılıb və faktla bağlı araşdırmalara başlanılıb. Gürcüstanın uşaq hüquqları üzrə müdafiə təşkilatları insidentin dərindən araşdırılmasını və məsul şəxslərin cəzalandırılmasını tələb edirlər.