Cənubi Koreya hökuməti 2027-ci ilə qədər ölkədəki bütün 5 yaşlı uşaqlara pulsuz məktəbəqədər təhsil təqdim etməyi planlaşdırır.
AzEdu.az-ın xarici mediadan əldə etdiyi məlumata görə, bu məqsədlə dövlət uşaq bağçaları tam subsidiyalaşdırılacaq.
Pilot proqramın 29 iyul 2025-ci il tarixində rəsmi şəkildə elan edildiyi bildirilib. Yeni təşəbbüs valideynlərin maliyyə yükünü azaltmaqla yanaşı, erkən təhsilin əlçatanlığını artırmağa yönəlib. Hökumət bununla həm də sosial bərabərliyi və təhsil imkanlarında ədaləti təmin etməyi qarşısına məqsəd qoyur.
