Hindistanda müəllimlərin hazırlanması üzrə BEd (Bachelor of Education) proqramları, ölkədə tətbiq edilən NEP 2020 (Milli Təhsil Siyasəti) islahatlarına uyğunlaşdırılmadığı üçün tənqid olunur. Ekspertlər bildirirlər ki, təhsil sistemində dəyişən tələblərə və müasir kurikulumlara uyğun şəkildə müəllim hazırlığı vacib şərtdir. Mövcud proqramlar isə hələ də köhnə tədris metodlarına əsaslanır və bu, müəllim keyfiyyətinə mənfi təsir göstərir.
AzEdu.az-ın xarici mediadan əldə etdiyi məlumata görə, xüsusilə, 2020-ci ildə qəbul edilən Milli Təhsil Siyasəti (NEP 2020) ilə nəzərdə tutulan islahatlara uyğun dəyişikliklərin BEd proqramlarında hələ də tətbiq olunmaması narahatlıq doğurur. NEP 2020 daha yaradıcı, şagird yönümlü və praktik əsaslı tədris modelini önə çəkir. Lakin hazırkı müəllim hazırlığı sistemi bu prinsiplərlə ayaqlaşmaqda çətinlik çəkir.
