Hindistanın Kerala ştatında məktəblərin yenidən açılması ərəfəsində Təhsil Departamenti bütün məktəblərdə təhlükəsizlik auditinə start verib. Bu qərar, son dövrlərdə baş verən bəzi qəza və infrastruktur problemlərinin ardından şagirdlərin təhlükəsizliyinin təmin olunması məqsədilə qəbul edilib.
AzEdu.az-ın xarici mediadan əldə etdiyi məlumata görə, audit çərçivəsində məktəblərdə bina stabilliyi, elektrik sistemləri, sanitariya vəziyyəti, yanğın təhlükəsizliyi və evakuasiya planları kimi mühüm sahələr qiymətləndiriləcək. Eyni zamanda, məktəb rəhbərlərinə uşaqların fiziki və psixoloji rifahı ilə bağlı əlavə tövsiyələr də təqdim olunacaq.
Rəsmi nümayəndələr bildirir ki, bu yoxlamalar təkcə infrastruktur deyil, ümumi təhsil mühitinin təhlükəsizliyini artırmaq baxımından da əhəmiyyətlidir. Təhsil Departamenti audit nəticələrinə uyğun olaraq məktəblərə lazımi texniki dəstək və maliyyə yardımı göstərəcəyini açıqlayıb.
