Elon Musk-un sahibi olduğu x platforması tərəfindən təqdim edilən “Baby Grok” adlı yeni süni intellekt modeli, uşaqlar və gənc istifadəçilər üçün təhlükəsiz və təhsil yönümlü versiya olaraq hazırlanıb.
AzEdu.az-ın xarici mediadan əldə etdiyi məlumata görə, mövcud Grok AI modelinin daha sərt və bəzən qeyri-müvafiq cavabları ilə bağlı tənqidlərdən sonra, "Baby Grok" versiyası daha çox məktəb yaşlı uşaqlar və yeniyetmələrin istifadəsinə uyğunlaşdırılmış formadadır. Layihə müəllifləri bildirirlər ki, bu versiya tədris prosesində yardımçı alət kimi istifadə oluna bilər.
Təhsil sahəsində çalışan mütəxəssislər isə hələ ki ehtiyatlıdır. Onlar bildirirlər ki, bu texnologiyanın məktəb mühitinə inteqrasiyası nəzarət mexanizmləri və etik standartlar olmadan riskli ola bilər.
Hazırda "Baby Grok"-un təhsil tətbiqləri, valideyn nəzarəti mexanizmləri və kontent filtrləri kimi detalları test mərhələsindədir. Əsas sual isə hələ açıq qalır: Bu yeni model, əvvəlki Grok-un yaratdığı mübahisələri aradan qaldıra biləcəkmi?
