Son illərdə qadınların təhsil sahəsindəki iştirak səviyyəsi əhəmiyyətli dərəcədə artıb. Lakin onların hansı ixtisas sahələrini daha çox seçdiyi və bu tendensiyaların ölkələr üzrə necə dəyişdiyi diqqət çəkən bir məsələdir. Bu araşdırmada müxtəlif ölkələrdə qadınların təhsil və ixtisas seçimlərindəki fərqliliklərə, xüsusilə STEM (elm, texnologiya, mühəndislik və riyaziyyat) sahələrindəki iştirak səviyyəsinə diqqət yetirilir.
AzEdu.az mövzu ilə bağlı araşdırma aparıb.
Fransa
Fransada qadınlar STEM sahələrində təxminən 32% iştirakla təmsil olunurlar. Onların əksəriyyəti bioloji və kimya elmlərində oxuyur. Mühəndislik sahəsində isə qadınların payı 23.6%-dir.
Yunanıstan
Yunanıstan bu sahədə daha yüksək göstəricilərlə fərqlənir. Burada qadınların STEM sahəsindəki payı 40.9%-dir ki, bu da Avropa ölkələri arasında lider mövqedə olduğunu göstərir.
Rumıniya və Polşa
Rumıniyada qadın STEM məzunlarının payı 42.5%, Polşada isə 41.5%-dir. Bu göstəricilər Şərqi Avropa ölkələrində qadınların texniki və elmi sahələrə marağının yüksək olduğunu sübut edir.
İran
İranda mühəndislik sahəsində qadınların payı təqribən 70%-ə yaxındır. Bu, dünyada ən yüksək göstəricilərdən biridir və cəmiyyətin qadınların texniki sahələrdə iştirakına açıq olduğunu göstərir.
Yaponiya
Əksinə, texnologiyada öncül ölkə olan Yaponiyada qadınların STEM sahəsində iştirakı nisbətən aşağıdır – yalnız 27% civarındadır. Mühəndislik üzrə qadın tələbələrin sayı isə cəmi 16%-dir.
Böyük Britaniya
Britaniyada STEM tələbələrinin 31%-i qadınlardır. Fizika və riyaziyyat sahələrində bu faiz 37–44% arasında dəyişsə də, mühəndislikdə qadınların payı yalnız 15.7%-dir.
ABŞ
ABŞ-da qadınlar ən çox biologiya və tibb sahələrini seçirlər. Mühəndislik və informasiya texnologiyaları sahəsində iştirakları isə 18–22% arasında dəyişir.
Əlcəzair və Tunis
Bu ölkələrdə mühəndislik sahəsində qadınların payı müvafiq olaraq 48.5% və 44.2%-dir. Bu, bəzi inkişaf etmiş ölkələrdəki göstəricilərdən xeyli yüksəkdir və regionun qadınların texniki təhsilə çıxış imkanlarını artırdığına işarədir.
Belə ki, araşdırma göstərir ki, qadınların ixtisas seçimi regiondan, mədəniyyət və təhsil siyasətlərindən ciddi şəkildə asılıdır. Ən çox seçilən sahələr arasında:tibb və səhiyyə, təhsil, biologiya və kimya, o cümlədən humanitar elmlər yer alır.
STEM sahələrində qadınların iştirakı hələ də qeyri-bərabər olsa da, bəzi ölkələr (məsələn, İran, Rumıniya, Yunanıstan) bu sahədə mühüm irəliləyiş əldə edib. Bu tendensiyalar qadınların əmək bazarına çıxışını, texnoloji sahələrdə təmsilçiliyini və ümumilikdə cəmiyyətin inkişafını əhəmiyyətli dərəcədə təsir edir.
