ABŞ-ın keçmiş Prezidenti Donald Trump-ın administrasiyası dövründən qalan sənədlər əsasında, Harvard Universiteti bu günlərdə rəsmi şəkildə subpoena – yəni məhkəmə çağırışı – alıb. Bu çağırış vasitəsilə universitetdən 2020-ci ildən bəri SEVP (Student and Exchange Visitor Program) çərçivəsində fəaliyyət göstərən xarici tələbə proqramları ilə bağlı geniş məlumat tələb olunub.
AzEdu.az-ın xarici mediadan əldə etdiyi məlumata görə, ABŞ Ədliyyə Nazirliyinə yaxın mənbələrin bildirdiyinə görə, araşdırmalar beynəlxalq tələbələr üçün nəzərdə tutulmuş viza imkanlarından sui-istifadə halları ilə bağlıdır. Subpoena tələb edir ki, Harvard rəhbərliyi həmin dövrdə qəbul olunan, qeydiyyatdan keçən və proqramlarda iştirak edən xarici tələbələrə dair məlumatları təqdim etsin.
İddialar arasında bəzi tələbələrin yalnız viza əldə etmək məqsədilə proqramlara yazıldığı, lakin real tədrisə qatılmadığı və ya proqramın tədris baxımından formal xarakter daşıdığı da yer alır.
Harvard Universiteti məsələ ilə bağlı qısa açıqlama verərək, bütün qanuni prosedurlara uyğun davrandıqlarını, lakin hüquqi tələblərlə bağlı əməkdaşlıq edəcəklərini bildirib.
