Maraqlı suallardan biri isə budur: gələcəkdə Azərbaycan Tibb Universitetindən Qarabağa kadrlar yönləndirilə bilərmi?
AzEdu.az bu məsələ ilə bağlı Azərbaycan Tibb Universitetinə sorğu ünvanlayıb.
Sorğumuza cavab olaraq bildirilib ki, Azərbaycan Tibb Universiteti Elm və Təhsil Nazirliyi və Səhiyyə Nazirliyinin nəzdində fəaliyyət göstərir. Bu səbəbdən yalnız hər iki nazirlikdən rəsmi göstəriş olduğu halda, Tibb Universitetindən Qarabağ bölgəsinə kadr yönləndirilməsi mümkündür.
Müəssisənin cavabında həmçinin qeyd edilib:
“Qarabağ Universiteti ilə bağlı Tibb Universitetindən nə kimi dəstəyə ehtiyac olarsa, biz buna böyük məmnuniyyətlə yardım göstərməyə hərtərəfli hazırıq”.
Qeyd edək ki, 7 fevral 2025-ci il tarixində Prezident İlham Əliyev Qarabağ Universitetinin tabeliyində Qarabağ Universitetinin Klinikası publik hüquqi şəxs kimi yaradılması ilə bağlı Fərman imzalayıb.
