Mərkəzi Aran Regional Təhsil İdarəsinin tabeliyində fəaliyyət göstərən məktəbəqədər təhsil müəssisələrində tərbiyəçi-müəllim vəzifələrinə işə qəbul (Azərbaycan və rus bölməsi) üzrə müsabiqənin növbəti müsahibə mərhələsinə qeydiyyat başlayır.
AzEdu.az xəbər verir ki, müsahibədə iştirak etmək istəyən namizədlər 12 may 2025-ci il tarixdən 16 may 2025-ci il saat 23:59-dək aşağıdakı link vasitəsilə qeydiyyatdan keçə bilərlər.
Bildirilir ki, vakansiyalara 2022-2023-cü tədris illərində keçirilən tərbiyəçi-müəllimlərin işə qəbulu üzrə müsabiqədə iştirak etmiş və müvafiq keçid balını toplamış namizədlər müraciət edə bilərlər. Əlavə olaraq nəzərinizə çatdırırıq ki, rus bölməsi üzrə vakant yerə müraciət etmiş və müsahibəyə dəvət edilmiş şəxsin rus dili üzrə dil biliyi mükəmməl səviyyədə olan namizədlərə üstünlük veriləcək.
Qeydiyyat başa çatdıqdan sonra müsahibə mərhələsinin keçirilmə yeri və tarixi barədə namizədlərə məlumat veriləcək. Müraciət üçün verilmiş vaxt bitdikdən sonra namizədlərin test imtahanında topladığı bala əsasən, müraciət edənlər arasında ən yüksək bal toplamış namizəd müsahibəyə dəvət ediləcək. Bu namizəd uyğun olmadığı təqdirdə müraciət edənlər arasından bal sıralamasına uyğun olaraq növbəti namizədlər dəvət ediləcək.
Məktəbəqədər təhsil müəssisələrində mövcud olan tərbiyəçi-müəllim vəzifəsi üzrə vakant yerlərin siyahısını təqdim edirik:
