"Bakıda anası ilə dalaşandan sonra itkin düşən 16 yaşlı yeniyetmə tapılıb".
AzEdu.az xəbər verir ki, bunu Oxu.az-a açıqlamasında Daxili İşlər Nazirliyinin (DİN) Mətbuat Xidmətinin əməkdaşı, polis leytenantı Lumu İsrəfilli deyib.
O bildirib ki, axtarışa verilən 16 yaşlı yeniyetmə polis əməkdaşları tərəfindən tapılaraq ailəsinə təhvil verilib.
10:12
Bakıda yeniyetmə oğlan anası ilə dalaşandan sonra itkin düşüb.
AzEdu.az Oxu.az-a istinadən xəbər verir ki, hadisə mayın 5-də baş verib.
Paytaxtın Nizami rayonu, Babək prospekti. 67, mənzil 5-də yaşayan Əhmədova Şamba Şaməddin qızı Nizami RPİ-nin 24-cü PŞ-yə ərizə ilə müraciət edərək bildirib ki, övladı, 2009-cu il təvəllüdlü Əhmədov Marif Nicat oğlu onunla ailə-məişət zəminində mübahisə edərək yaşadıqları ünvandan çıxıb və bir daha geri qayıtmayıb.
İtkin düşən şəxs Əhmədov Marif Nicat oğlunun olduğu yerin müəyyən edilməsi ilə bağlı zəruri əməliyyat-axtarış tədbirləri davam etdirilir.
