Azərbaycanın gənc idarəçiləri üçün təşkil edilən “Yüksəliş” müsabiqəsi ilə bağlı Azərbaycan Dövlət Neft və Sənaye Universitetində (ADNSU) məlumat sessiyası keçiriləcək.
AzEdu.az xəbər verir ki, tədbir zamanı müsabiqənin qalibləri iştirakçılarla görüşəcək. Görüşdə “Yüksəliş” müsabiqəsinin keçirilmə qaydaları, iştirak şərtləri və təqdim etdiyi imkanlar haqqında ətraflı məlumat veriləcək.
Məlumat sessiyasında 21–51 yaş arasında olan, ali təhsil almış və idarəetmə təcrübəsinə malik şəxslər iştirak edə bilərlər.
Qeyd edək ki, sessiya aprelin 8-i saat 15:00-da ADNSU-nun 250-ci auditoriyasında təşkil ediləcək. Tədbirdə iştirak etmək istəyənlər aşağıdakı link vasitəsilə qeydiyyatdan keçə bilərlər:
//forms.office.com/r/uJrB8z15PD?origin=lprLink