AzEdu.az Təhsil Portalı “Tarixdə bu gün” rubrikasına davam edir.
3 aprel harada nәlәr baş verib, kimlәr xatırlanır? Qısaca nәzәr salaq.
3 aprel Beynəlxalq Mobil Telefon Günüdür:
1974-cü ilin 3 aprelində mobil telefon vasitəsilə ilk dəfə zəng edilib. Mobil telefonla ilk zəngi edən Martin Kuper adlı şəxs olub.
3 aprel 2009-cu ildə “Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu”nun yaradılıb:
Fondun əsas məqsədi Azərbaycan Respublikasında fikir, söz və məlumat azadlığını inkişaf etdirmək, kütləvi informasiya vasitələrinin müstəqilliyini dəstəkləmək, informasiya sektorunda yeni informasiya-kommunikasiya texnologiyalarının tətbiqini stimullaşdırmaq, jurnalistlərin peşəkarlığının və məsuliyyətinin artmasına şərait yaratmaq, sosial müdafiəsini gücləndirmək, kütləvi informasiya vasitələrinin fəaliyyətinin təkmilləşməsini nəzərdə tutan və inkişafını dəstəkləyən proqramları, layihələri və digər tədbirləri maliyyələşdirməkdir.
3 aprel 1906-cı ildə ilk rəngli fotoşəkil icad edilib:
Bu işi Lümyer qardaşları etmişdi.
3 aprel 1908-ci ildə Azərbaycanın ilk akademik-filosofu Heydər Hüseynov anadan olub:
Fəlsəfi və ədəbi fikir tariximizə dair tədqiqatların müəllifidir. Əsərləri iki dəfə Stalin mükafatına layiq görülsə də, əleyhdarları onu millətçilikdə ittiham edərək əleyhinə kampaniya başladıblar. 1950-ci ilin yayında intihar edib.
