Mart ayında dünyanın müxtəlif yerlərindən maraqlı astronomik hadisəni müşahidə etmək mümkün olacaq: Ay 2025-ci ilin mart ayı ərzində ulduz qruplarını və planetləri dörd dəfə “bağlayacaq”.
AzEdu.az xəbər verir ki, astronomların hesablamalarına görə, 1 martda Ay Merkurini örtəcək (Sakit Okeanın sularından müşahidə etmək olar).
5 martda ən məşhur ulduz qruplarından biri olan Pleyadın okkultasiyası olacaq (bu, Rusiyadan görünəcək yeganə fenomendir).
16 martda Ay parlaq ulduz Spicanın önünü tutacaq(Afrika və Avstraliyadan müşahidə etmək olar).
20 martda Yerin peyki səmanın ən parlaq ulduzlarından biri olan Antaresi (Avstraliya və Yeni Zelandiyada görünür) gizlədəcək.
28 fevral 2025-ci ildə astronomiya həvəskarları unikal səma hadisəsini - planetlərin böyük paradını müşahidə etmək şansı əldə edəcəklər. Həmin gün Günəş sisteminin bütün yeddi planeti gecə səmasında eyni vaxtda peyda olacaq.
Kitablarda və filmlərdə çox vaxt planetlər düz xəttdə təsvir edilsə də, əslində onlar sadəcə olaraq ekliptika adlanan xəyali müstəvidə düzülürlər. Bu, planetlər Günəşin eyni tərəfində olduqda baş verir və "parad" effekti yaradır.
