Dövlət İmtahan Mərkəzinin məsul əməkdaşları tərəfindən imtahanlarda buraxılış rejiminin aparılmasında iştirak edəcək yeni cəlb olunmuş qadın əməkdaşlarla nəzəri və praktik təlimlər keçirilir.
Bu barədə AzEdu.az-a DİM-dən məlumat verilib.
Mərkəzdən bildirilib ki, Bakı, Sumqayıt və Abşeron bölgələri üzrə 10 – 15 yanvar 2025-ci il tarixlərində keçirilən təlimlərdə ilk dəfə elektron qaydada qeydiyyatdan keçən və müsahibə mərhələsində uğur qazanan 205 nəfər iştirak edib.
20-25 nəfərlik qruplarla keçirilən təlimlər:
Hazırda digər şəhər və rayonlar üzrə təlimlərin keçirilməsi davam etdirilir.
Qeyd edək ki, yeni qeydiyyatdan keçmiş xanımlarla yanaşı, “Buraxılış rejimini aparan əməkdaş” elektron məlumat sistemində olan 2706 nəfər qadın əməkdaşın anket məlumatları dəqiqləşdirilib. Bazada qeydiyyatda olan, əvvəlki illərdə keçirilən imtahanlarda iştirak edən və göstəriciləri yaxşı olan digər əməkdaşlar üçün də təlimlər keçiriləcəkdir.