Ali təhsil müəssisələrində semestr imtahanlarının başlamasına sayılı günlər qalıb. Belə ki, hazırda universitetlərdə semestr imtahanlarına hazırlıq prosesleri davam edir.
Bəs, görəsən Türkiyə-Azərbaycan Universitetində ilk semestr imtahanlarının təşkili qaydası necə olacaq?
Mövzu ilə bağlı AzEdu.az Təhsil Portalı olaraq Türkiyə-Azərbaycan Universitetinə sorğu ünvanladıq.
Sorğumuza cavab olaraq bildirilib ki, Türkiyə-Azərbaycan Universitetində imtahanlar tərəfdaş universitetlərin (ODTU, İTÜ, Hacettepe Universiteti) imtahan qaydaları əsasında təşkil olunacaq:
“Yəni kompüter mühəndisliyi ixtisasında təhsil alan tələbələr ODTU, sənaye mühəndisliyi ixtisasında təhsil alan tələbələr İTÜ, qida mühəndisliyi ixtisasında təhsil alan tələbələr isə Hacettepe Universitetinin imtahan qaydaları əsasında imtahan verəcəklər”, - deyə universitet qeyd edib.
