Hazırda 5464 nəfər sağlamlıq imkanları məhdud uşaq təhsil alır. Onlardan 3344 xüsusi məktəblərdə, 2220 nəfəri xüsusi internat məktəblərində xüsusi təhsilə cəlb olunub.
Bu barədə AzEdu.az-a Dövlət Statistika Komitəsindən məlumat verilib.
Komitədən bildirilib ki sağlamlıq imkanları məhdud uşaqlar üçün xüsusi təhsil müəssisələri ümumi sayı 16-dır. O cümlədən xüsusi ümumtəhsil məktəbləri 7, internat tipli xüsusi ümumtəhsil məktəblərin sayı 9-dur.
Onlardan əqli (psixi) pozuntuları olanlar üçün - 7, görmə pozulmaları olanlar üçün- 2, eşitmə pozulmaları olanlar üçün - 2, dayaq-hərəkət aparatının funksiyalarının pozuntuları və skalioz xəstəliyi- 1,nitq pozulmaları olanlar üçün- 2 və digər isə 2 ümumi təhsil müəssisələri var.
Sağlamlıq imkanları məhdud uşaqlar üçün xəstəliyin növləri üzrə xüsusi təhsil müəssisələri mövcuddur. Onlardan əqli (psixi) pozuntuları olanlar üçün- 3434, görmə pozulmaları olanlar üçün - 307, eşitmə pozulmaları olanlar üçün- 741, dayaq-hərəkət aparatının funksiyalarının pozuntuları və skalioz xəstəliyi- 115, nitq pozulmaları olanlar üçün - 505 və digər isə 362 nəfər təhsil alır.
Bundan əlavə, ümumi təyinatlı və inteqrasiya təlimli təhsil müəssisələrində təşkil edilmiş siniflərdə təhsilalanlar 1620 nəfərdir.
