Azedu.az

RƏSMİ QƏRAR: 16 yaşadək uşaqlara sosial şəbəkələrə daxil olmaq qadağan edilir

Xəbərlər

Tələbə və şagird

29 Noyabr 2024, 05:59
RƏSMİ QƏRAR: 16 yaşadək uşaqlara sosial şəbəkələrə daxil olmaq qadağan edilir

Avstraliya hökuməti 16 yaşdan kiçik uşaqların sosial şəbəkələrdən istifadəsini qadağan edən qanun layihəsini təsdiqləyib.

AzEdu.az championat.com-a istinadən xəbər verir ki, sənəd bir ildən sonra - 2025-ci ilin sonunda qüvvəyə minəcək.

Qanun 16 yaşdan kiçik şəxslərin sosial şəbəkələrdə qeydiyyatdan keçməsinə və istifadəsinə tam qadağa qoyulmasını nəzərdə tutur. Bu o deməkdir ki, onlar hətta valideyn icazəsi olsa belə, "TikTok", "Reddit", "X" və digər platformalardan istifadə edə bilməyəcəklər.

Eyni zamanda, məhdudiyyətlər artıq sosial şəbəkələrdə qeydiyyatdan keçmiş uşaqlara təsir etməyəcək.

Qanuna əməl olunmasına sosial şəbəkələr özləri nəzarət etməli olacaqlar. Qanun pozuntusuna görə şirkətləri 49.5 milyon Avstraliya dolları (təxminən 32 milyon ABŞ dolları) məbləğində cərimə gözləyir.

Sorğulara görə, ölkə sakinlərinin əksəriyyəti (77%) hökumətin qərarını dəstəkləyib.

Moskvada DƏHŞƏTLİ OLAY- Rus general belə öldürüldü
Son xəbərlərDaha çox