Göygöldə baş verən qəzada ölən və yaralanan tələbələr Azərbaycan Dövlət Aqrar Universitetinin tələbələri olub.
AzEdu.az Modern.az-a istinadən xəbər verir ki, həyatını itirən Ramal Qurbanzadə ali təhsil müəssisəsinin ikinci kurs tələbəsi olub.
O, iqtisadiyyat ixtisası üzrə təhsil alırdı.
Fariz Məhərrəmov və Heydər Hüseynov da Azərbaycan Dövlət Aqrar Universitetində oxuyurmuş.
Fotoda: Ramal Qurbanzadə
Göygöldə “VAZ - 21015” və “Opel” markalı avtomobillər toqquşub.
AzEdu.az xəbər verir ki, qəza nəticəsində rayon sakinləri 18 yaşlı Fariz Məhərrəmov, 40 yaşlı Xəyal Rzayev və 18 yaşlı Heydər Hüseynov yaralanıblar.
18 yaşlı Ramal Qurbanzadə isə aldığı xəsarətlərdən hadisə yerində həyatını itirib.
Faktla bağlı araşdırma aparılır.
Lent.az-ın məlumatına görə, qəzaya düşən gənclər Gəncədə təhsil alan tələbələr olub.
Göygöl rayonunda baş verən yol qəzasında ölən və xəsarət alanların şəxsiyyəti müəyyən edilib.
