Müşahidələr onu göstərir ki, uşaqlar evinə qoyulan azyaşlıların sayı ilbəil artamqdadır.
Mövzu ilə bağlı dəqiq məlumat almaq üçün Dövlət Statistika Komitəsinə sorğu ünvanladıq.
Dövlət Statisika Komitəsindən AzEdu.az-a verilən məlumata əsasən, 2023-cü ildə İnternat müəsisələrində təlim-tərbiyə alan, valideyn himayəsindən məhrum olmuş uşaqların sayı 1363 uşaq olmuşdur:
Bildirilib ki, 792 nəfəri körpələr və uşaq evlərində, 110 nəfəri sağlamlıq imkanları məhdud uşaqlar üçün internat tipli xüsusi ümumtəhsil məktəblərində, 31 nəfəri 18 yaşınadək əlilliyi müəyyən edilmiş şəxslər üçün sosial xidmət müəsisələrində, 430 nəfər ümumi təyinatlı və inteqrasiya təlimli internat tipli ümumi təhsil müəssisələrində, o cümlədən 419 nəfər isə valideynlərini itirmiş və valideyn himayəsindən məhrum olmuş internat tipli ümum təhsil müəssisələrində yerləşdirilmişdir.
Qeyd edək ki, onlardan 71 qız, 66 oğlan olmaqla, ümumilikdə 137 uşaq övladlığa götürülüb..
2024-cü ildə İnternat müəsisələrində təlim-tərbiyə alan valideyn himayəsindən məhrum olmuş uşaqların sayı isə 1459-dur:
Onlardan 933 nəfəri körpələr və uşaq evlərində, 81 nəfər sağlamlıq imkanları məhdud uşaqlar üçün internat tipli ümum təhsil məktəblərində, 31 nəfəri 18 yaşınadək əlilliyi müəyyən edilmiş şəxslər üçün sosial xidmət müəssisələrində, 414 nəfəri ümumi təyinatlı və inteqrasiya təlimli internat tipli ümumi təhsil müəsisələrində, o cümlədən 409 nəfəri isə onlardan valideynlərini itirmiş və valideyn himayəsindən məhrum olmuş uşaqlar üçün internat müəssisələrinə yerləşdiriliblər.
