İyulun 22-də müəllimlərin işə qəbulu (MİQ) üzrə müsabiqənin vakansiya seçimi mərhələsinə start veriləcək.
Təhsil İnstitutnun İnsan Resursları Mərkəzindən verilən məlumata görə, vakant yer seçmək imkanı əvvəlcə MİQ-də minimum tələbi ödəyən - keçid balını (40) toplayan şəhid ailəsi üzvləri olan namizədlərə verilir. Belə ki, şəhid ailəsinin üzvləri olan namizədlər 22 iyul saat 11:00-dan 25 saat 11:00-dək şəxsi səhifələrinə daxil olaraq seçim edə bilərlər.
Vakansiya seçiminə buraxılan namizədlər 8 vakant yer seçə bilərlər.
Daha sonra digər namizədlər vakansiya seçiminə buraxılacaqlar.
AzEdu.az saytı builiki MİQ müsabiqəsində maraqlı bir məqam aşkarlayıb.
Belə ki, bu il MİQ-ə musiqi fənni üzrə ümumi olaraq 1500 vakant yer çıxarılıb. Vakansiya seçiminə buraxılan namizədlərin sayı isə 1407 nəfərdir.
Qeyd edək ki, iyulun 13-də müəllimlərin işə qəbulu üzrə müsabiqənin test imtahanlarına musiqi fənni üzrə 3255 namizəd dəvət olunmuşdu. Bu isə o deməkdir ki, test imtahanı verən 1848 nəfər keçid balını (40 bal) toplaya bilməyib.
A.Qorxmaz
