Sumqayıt şəhər Təbiət elmləri təmayüllü gimnaziyanın XI sinif şagirdi Cavid Nəzərov I ixtisas qrupu üzrə hər iki mərhələnin cəminə görə 692.8 bal toplayıb.
Bu barədə AzEdu.az-a Abşeron-Xızı Regional Təhsil İdarəsindən məlumat verilib.
Bildirilib ki, Cavid bu nəticə ilə Sumqayıt şəhəri üzrə ən yüksək nəticə toplayan abituriyentdir. O, eyni zamanda Abşeron-Xızı Regional Təhsil İdarəsi üzrə ən yüksək nəticəyə imza atıb.
Dövlət İmtahan Mərkəzinin (DİM) məlumatına görə, Sumqayıt şəhər Təbiət elmləri təmayüllü gimnaziyanın məzunu Cavid Nəzərov I ixtisas qrupu üzrə hər iki mərhələnin cəminə görə ən yüksək nəticə (692.8 bal) göstərən abituriyentdir.
O, imtahanın I mərhələsində 295.8, II mərhələsində isə 397 bal toplayıb.
Xatırladaq ki, Dövlət İmtahan Mərkəzi (DİM) dünən I və IV ixtisas qrupları üzrə 3-4 iyun 2023-cü il tarixlərində keçirilmiş qəbul imtahanlarının nəticələrini elan edib.
Bu imtahanda I ixtisas qrupu üzrə iki nəfər ən yüksək nəticəni göstərərək, 400 bal toplayıb.
