Azedu.az

Məktəb inspektoru vakansiyası üzrə növbəti yazılı imtahan keçirilib  

Məktəblər

5 İyul 2021, 17:37
Məktəb inspektoru vakansiyası üzrə növbəti yazılı imtahan keçirilib  

Təhsildə Keyfiyyət Təminatı Agentliyi (TKTA) tərəfindən “Məktəblərdə keyfiyyətin inspeksiyası” layihəsi çərçivəsində məktəb inspektoru vakansiyası üzrə növbəti yazılı imtahan keçirilib.

 

TKTA-dan AzEdu.az-a bildirilib ki, imtahan iyunun 30-dək müraciət etmiş və vakansiya tələblərinə uyğun hesab edilən namizədlərin sahə üzrə biliklərinin yoxlanılması məqsədilə təşkil olunub. 70 dəqiqə davam edən imtahanda 127-si qadın, 73-ü kişi olmaqla, ümumilikdə 200 nəfər iştirak edib. İyulun 14-dək namizədlərə imtahanın nəticələri barədə məlumat veriləcək, uğurlu nəticə əldə edən şəxslər müsahibədə iştirak etmək üçün agentliyə dəvət olunacaq.

 

Sözügedən vakansiya iyunun 14-də elan olunub. Müraciətlərin qəbulu iyulun 10-dək davam edəcək. İyulun 10-dək müraciət edən və vakansiya tələblərinə uyğun hesab olunan namizədlər üçün iyulun sonunadək növbəti dəfə yazılı imtahan təşkil olunacaq.

Azərbaycanla sülh müqaviləsinin mətnini razılaşdırdıq
SORĞU
İlin ən yaxşı Regional təhsil idarəçisi
Səs ver
Son xəbərlərDaha çox