Təhsil naziri Ceyhun Bayramov azsaylı xalqların uşaqları üçün məktəbəhazırlıq qruplarının tədris planını təsdiq edib.
Nazir azsaylı xalqların uşaqları üçün məktəbəhazırlıq qruplarının 2019-2020-ci dərs ilinə aid tədris planının təsdiqi barədə əmr imzalayıb
Əmrə əsasən, Azərbaycanın ümumtəhsil məktəblərində azsaylı xalqların uşaqları üçün təşkil edilən məktəbəhazırlıq qruplarının 2019-2020-ci dərs ilinə aid tədris planı və tədris planına dair “Qeydlər” təsdiq edilir.
Qeydlərə əsasən, azsaylı xalqların uşaqları üçün məktəbəhazırlıq qruplarının tədris planı, həftəlik dərs saatlarının miqdarı aşağıdakı kimi müəyyənləşib:
Ətraf aləmlə tanışlıq 1 saat
Savad təliminə hazırlıq və nitq inkişafı 4 saat
Bədii təfəkkürün inkişafı 1 saat
Məntiqi və riyazi təfəkkürün inkişafı 2 saat
Təsviri fəaliyyət 1 saat
Musiqi 1 saat
Fiziki mədəniyyət 2 saat
Cəmi: 12 saat
İnformasiya şöbəsi (E.Məmmədov) əmrin əlavələrlə birlikdə «Azərbaycan müəllimi» qəzetində dərc olunmasını və Nazirliyin internet səhifəsində yerləşdirilməsini təmin etməlidir.
Əmrin icrasına nəzarət nazir müavini Məhəbbət Vəliyevaya həvalə olunub.
