Cənubi Avstraliyada dövlət məktəblərində şagird sıxlığı problemi yaxın illərdə daha da kəskinləşəcək. Təhsil Departamentinin açıqladığı proqnoza görə, 2026-cı ildə ən azı 11 məktəb planlaşdırılmış tutumunu aşacaq, daha 14 məktəb isə 95 faizdən çox dolacaq.
AzEdu.az xarici mənbədən aldığı məlumata əsasən xəbər verir ki, Glenunga International High School hazırda 2200 şagird üçün nəzərdə tutulub, lakin iki il ərzində burada şagird sayı 196 nəfər artaraq məktəbin ümumi doluluğunu 108,9 faiz-ə çatdıracaq. Oxşar vəziyyət digər iri məktəblərdə də gözlənilir. Bundan əlavə, Virginia Primary School-da genişləndirmə işləri planlaşdırılır - məktəbin 448 nəfərlik tutumu 600-ə qədər artırılacaq.
Rəsmi qurumlar bildirirlər ki, bölgədə əhali artımı, yeni yaşayış məntəqələrinin salınması və şəhərə köç prosesləri məktəb yerlərinə tələbi ciddi şəkildə yüksəldib. Bunun qarşısını almaq üçün hökumət yeni məktəblərin tikintisini, mövcud təhsil müəssisələrinin isə genişləndirilməsini nəzərdə tutur.
Mütəxəssislər xəbərdarlıq edirlər ki, vaxtında tədbir görülməsə, şagirdlərin dərs prosesində keyfiyyət itkiləri və infrastruktur problemləri daha da artacaq.
