Bakı Dövlət Universitetinin (BDU) Şərqşünaslıq fakültəsinin Türk filologiyası kafedrasının baş müəllimi Şamil Alməmmədov 84 yaşında vəfat edib.
AzEdu.az xəbər verir ki, bu barədə Şərqşünaslıq fakültəsinin dekanı Aydan Xəndan məlumat verib.
O bildirib ki, Şamil Alməmmədov bir müddət əvvəl sağlamlığında yaranmış problemlə əlaqədar olaraq cərrahiyyə əməliyyatı keçirib.
Qeyd edək ki, Ş. Alməmmədov 1940-cı ildə anadan olub. 1960-cı ildə BDU-nun Şərqşünaslıq fakültəsinə daxil olub. 1966-cı ildən BDU-nun Şərqşünaslıq fakültəsində laborant, baş laborant, müəllim, baş müəllim vəzifələrində çalışıb. 1975-1977-ci illərdə Türkiyədə tərcüməçi kimi fəaliyyət göstərib. 2019-cu ildə “Bakı Dövlət Universitetinin 100 illiyi (1919-2019)” yubiley medalına layiq görülüb. O, fəaliyyəti dövründə 20-yə yaxın məqalə, proqram və kitabın müəllifi olub.
Allah rəhmət eləsin!
