Bildiyimiz kimi, lisey və gimnaziyalara qəbul qaydalarında dəyişiklik edilib.
AzEdu.az Elm və Təhsil Nazirliyinə istinadən lisey və gimnaziyalara qəbul qaydalarını təqdim edir:
Lisey və gimnaziyaların istiqamətlərindən asılı olmayaraq qəbul sadəcə tədris dili və riyaziyyat olmaqla iki fənn üzrə aparılacaq;
Tədris dili üzrə tapşırıqlar oxuyub-anlama bacarıqları və dil qaydalarına dair biliklərin ölçülməsi istiqamətində, riyaziyyat fənni üzrə tapşırıqlar isə müvafiq siniflər üzrə riyazi bilik və bacarıqların, eyni zamanda şagirdlərdə riyazi təfəkkürün ölçülməsi istiqamətində hazırlanacaq;
Lisey və gimnaziyalara qəbul prosesi təyinat və istiqamətindən asılı olaraq V-VIII siniflər üzrə aparılacaq;
Lisey və gimnaziyalara mərkəzləşmiş qəbul imtahanı üçün qeydiyyat şagirdlərin elektron yerdəyişməsi portalı vasitəsilə (sy.edu.az) aprel-may aylarında, imtahan isə iyun ayında təşkil ediləcək.
