Azedu.az

Paytaxt üzrə 308 məktəbdə yay məktəbi təşkil olunub  

Məktəblər

16 İyun 2021, 12:36
Paytaxt üzrə 308 məktəbdə yay məktəbi təşkil olunub  

Bakı Şəhəri üzrə Təhsil İdarəsinin (BŞTİ) tabeliyindəki 308 ümumi təhsil müəssisəsində yay məktəbinə start verilib.

BŞTİ-dən bildirilib ki, ümumi təhsil müəssisələrində təşkil olunan yay məktəblərində iştirak etmək istəyən şagirdlər iyunun 16-dan 30-dək məktəblərdəki mövcud imkanlardan yararlana biləcəklər.

Qeyd edək ki, yay məktəbində ümumi təhsil müəssisələrinin I-X sinif şagirdləri ödənişsiz və könüllü əsaslarla iştirak edirlər. I-IV siniflərdə tədris həftədə 5 dəfə gündəlik 4 saat olmaqla, V-X siniflərdə isə həftədə 5 dəfə gündəlik 3-4 saat olmaqla təşkil olunur. I-IV siniflərdə məşğələlər tədris dili, riyaziyyat, xarici dil fənləri üzrə keçirilir. V-X siniflərdə məşğələlər tədris dili, riyaziyyat, xarici dil fənləri və ümumi təhsil müəssisəsinin rəhbərliyinin qərarı ilə digər 3 fənnə verilir.

Yay məktəbi şagirdlərin zəruri bilik və bacarıqlarının möhkəmləndirilməsi, öyrənilənlərin ümumiləşdirilməsi məqsədilə təşkil edilib.

Azərbaycanla sülh müqaviləsinin mətnini razılaşdırdıq
SORĞU
İlin ən yaxşı Regional təhsil idarəçisi
Səs ver
Son xəbərlərDaha çox