Azərbaycanlı gəncin adı kosmosa göndərilir

NASA-da çalışan yeganə həmyerlimiz Atilla Əsgərin adı kosmosa göndərilir.

AzEdu.az xəbər verir ki, bu barədə onun atası professor, "Şöhrət" ordenli jurnalist, tərcüməçi Ramiz Əsgər məlumat verib.

“NASA Roman Space Telescopun hazırlanmasında əməyi keçən şəxslərin adlarını Space craftın üstündə yazaraq kosmosa göndərəcək. Həmin şəxslərin arasında Atilla Əskərovun da adı var. Bu teleskop həyat əlamətləri axtarmaq üçün uzayın ənginliklərinə yol alacaq. Atilla teleskopun elektronikasını, integrasyon və testlərini işləyib hazırlamış mühəndislərdən biridir. İndiyədək heç bir azərbaycanlının adı dünyadan bu qədər uzağa getməyib. Bu gənc mənim oğlumdur. Bakıdakı 6 saylı litseyin, İstanbul Texniki Universitetinin və Virjiniya Texniki Universitetinin məzunu, NASA-nın azərbaycanlı yeganə əməkdaşıdır”, - deyə o bildirib.