Müasir dövrdə təhsil sistemində baş verən dəyişikliklər və yeniliklər müəllimlərin peşəkar inkişafını zəruri edir. Cəmiyyətin intellektual səviyyəsinin formalaşmasında mühüm rol oynayan ümumtəhsil məktəblərinin müəllimləri yalnız pedaqoji bacarıqlarla deyil, eyni zamanda elmi biliklərlə də silahlanmalıdırlar. Bu baxımdan magistratura səviyyəsində təhsil almaq müəllimlərin ixtisas dərinliyi, tədqiqat bacarıqları və tədris prosesinə yanaşmaları baxımından mühüm rol oynayır.
Maraqlıdır, hazırda ümumtəhsil məktəblərində fəaliyyət göstərən müəllimlər arasında magistratura səviyyəsində ali təhsili olan müəllimlərin sayı neçə nəfərdir?
Mövzu ilə bağlı AzEdu.az Təhsil Portalı olaraq Elm və Təhsil Nazirliyinə sorğu ünvanlayıb.
Sorğumuza cavab olaraq bildirilib ki, ölkə üzrə magistratura səviyyəsində ali təhsil almış 11 715 müəllim fəaliyyət göstərir.
