New Yorkda yeniyetmələr arasında iki ayrı hücum

New York-un Queens bölgəsində bu gün yeniyetmələr arasında iki ayrı zorakı hadisə qeydə alınıb.

AzEdu.az-ın xarici mediada əldə etdiyi məlumata görə, Elmhurstdə 14 yaşlı yeniyetmə öz doğum günündə məktəbdən sonra restoran yaxınlığında bıçaqlanaraq yaralanıb.

Şahidlərin sözlərinə görə, hadisə bir qız üzərində yaranmış mübahisə zəminində baş verib. Yaralı şagirdin əlində ciddi xəsarət aşkarlanıb və o, stabil vəziyyətdə Harlem Xəstəxanasına yerləşdirilib. Hadisə ilə bağlı bir nəfər saxlanılıb.

Rockaway bölgəsində isə 13 yaşlı oğlan güllə yarası alıb. Onun sağ əli yaralanıb və Long Island Jewish Medical Center-ə aparılıb. Vəziyyəti stabil olaraq qiymətləndirilir. Hər iki insidentlə bağlı polis araşdırma aparır, lakin atışma hadisəsində hələlik heç kim saxlanılmayıb.