Boş qalan plan yerlərinə və orta ixtisas təhsil müəssisələrinə ixtisas seçimi 28 avqust tarixindən başlayıb, 2 sentyabra qədər davam edəcək.
AzEdu.az-ın Dövlət İmtahan Mərkəzindən (DİM) əldə etdiyi məlumata görə, bakalavriat səviyyəsi üzrə ali təhsil müəssisələrinin boş qalan plan yerlərinə və tam orta (11 illik) ixtisas təhsili müəssisələrinə ümumilikdə 10 min 954 elektron ərizə daxil olub.
Verilən məlumata əsasən, saat 09:27-ə qədər qeydə alınan ərizələrin sayı belədir:
I qrup -152 ərizə (145 Azərbaycan, 7 rus bölməsi)
II qrup - 284 ərizə (265 Azərbaycan, 19 rus bölməsi)
III qrup - 495 ərizə (429 Azərbaycan, 66 rus bölməsi)
IV qrup - 41 ərizə (32 Azərbaycan, 9 rus bölməsi)
V qrup üzrə 4 nəfər ərizə təqdim edib (2 Azərbaycan, 2 rus bölməsi).
Orta ixtisas təhsili müəssisələrinə (11 illik baza üzrə) isə 10 min 178 ərizə qeydə alınıb. Onlardan 9731-i Azərbaycan, 447-si isə rus bölməsinin payına düşür.
