Peşəyə qəbul olan kolleclərin ixtisas seçimində iştirak edə bilər? - RƏSMİ

Peşə təhsilinə müraciət edən şəxslərin eyni zamanda kolleclərə də müraciət edib-edə bilməməsi ilə bağlı şagird və valideynlər arasında suallar yaranıb.

Onlar hər iki təhsil pilləsində qəbul imkanı qazanacaqları təqdirdə, seçim hüquqlarının olub-olmadığı ilə maraqlanırlar.

Məsələ ilə bağlı Dövlət İmtahan Mərkəzindən (DİM) AzEdu.az-a bildirilib ki, bu istiqamətdə hər hansı məhdudiyyət tətbiq olunmur.

Namizəd eyni ildə həm peşə, həm də orta ixtisas təhsili müəssisələrinə (kollec) sənəd təqdim edə və hər iki istiqamətdə qəbul olduqda, seçim hüququndan istifadə edə bilərlər.