DİM-də baş mütəxəssis vəzifəsi üzrə vakansiya var

Dövlət İmtahan Mərkəzinin test bankı şöbəsində baş mütəxəssis vəzifəsi üzrə vakansiya elan olunub.

Bu barədə DİM-dən AzEdu.az-a bildirilib.

Struktur bölmə: Test bankı şöbəsi

Struktur vahid: İmtahan materiallarının hazırlanması sektoru

Vəzifənin adı: Baş mütəxəssis

Qulluq funksiyaları:

Sektora daxil olan imtahan materiallarının emalı və test bankına daxil edilməsi;
İmtahan materiallarının test bankında avtomatlaşdırılmış redaktə olunması;
Test bankının məxfiliyinin təmin edilməsi;
Müxtəlif təyinatlı imtahanlar üzrə imtahan materiallarının gündəlik iş rejimində və qapalı şəraitdə (bunkerdə) hazırlanması;
Test tapşırıqlarının qeydiyyatının aparılması;
Test tapşırıqlarının ekspertizaya hazırlanması;
Ekspertiza zallarında nəzarətin həyata keçirilməsi;
Görülən işlər barədə müntəzəm olaraq hesabatların hazırlanması;
Yeni qurğuların və proqram təminatlarının instalyasiya edilməsi və s.;
Mərkəzin daxili nizam-intizam qaydalarına, həmçinin əmək və icra intizamına riayət edilməsi;
DİM-in keçirdiyi imtahan və tədbirlərdə iştirak edilməsi (zal nəzarətçisi, imtahan rəhbəri, Mərkəzin nümayəndəsi qismində və s.).

Təhsilə dair tələblər: təbiət ixtisasları qrupu, texniki və texnoloji ixtisaslar qrupu üzrə ali təhsil

İş stajına dair tələbi: Tələb müəyyən edilmir

Kompüter biliklərinə dair tələblər: MS Windows, MS Office, İnternet (orta səviyyədə)

Xarici dil biliklərinə dair tələblər: İngilis dili – A2, Rus dili – A2

Vakansiya üzrə müraciət etmək istəyən şəxslər "Kadr uçotunun şəxsi vərəqəsi"ni mövzu bölməsində “İmtahan materiallarının hazırlanması sektorunda baş mütəxəssis” qeyd olunmaqla [email protected] elektron poçt ünvanına 5 mart 2025-ci il tarixinədək göndərə bilərlər.

Kadrlar uçotunun şəxsi vərəqəsindən fərqli formada göndərilən müraciətlərə baxılmayacaq.