5-9 dekabr 2022-ci il tarixlərdə Dövlət İmtahan Mərkəzinin regional bölmələrinin əməkdaşları tərəfindən Quba-Xaçmaz, Mil-Muğan, Şirvan-Salyan, Şəki-Zaqatala, Gəncə-Daşkəsən və Qazax-Tovuz regional təhsil idarələri və tabeliklərində olan rayon təhsil sektorlarının məsul şəxsləri, həmçinin ümumi təhsil məktəblərinin "Şagird-məzun" sistemi üzrə əlaqələndiriciləri üçün 2022/2023-cü tədris ili üzrə Təqvim planı, buraxılış sinif məzunlarının yekun attestasiyası, şagirdlər haqqında məlumatların “Şagird-məzun” dövlət elektron məlumat sisteminə daxil edilməsi və digər məsələlərlə bağlı seminarlar keçirilib.
AzEdu.az xəbər verir ki, DİM-in regional bölmələrinin əməkdaşları “Şagird-məzun” sistemindəki yeniliklər və onlardan istifadə qaydaları barədə seminar iştirakçılarına ətraflı məlumat veriblər.
Görüşdə Təqvim planına uyğun olaraq görüləcək işlər müzakirə edilib və iştirakçıların sualları cavablandırılıb.
